Hoxe ven de nacer no seo da rede social Facebook, o grupo de apoiantes do Bloque Nacionalista Galego: Adiante BNG!

O enderezo do grupo é o seguinte: http://www.new.facebook.com/group.php?gid=27312002310

Se tes perfil en Facebook e acreditas no BNG como a forza política que pode e vai transformar o noso país, adhírete ao grupo.

Como pai da criatura hei de recoñecer que o humilde obxectivo desta iniciativa non é outro que o de aproveitar as posibilidades que ofrecen redes sociais como Facebook, para facer visíbel e espallar a presenza do nacionalismo na Rede.

O nacionalismo galego debe deixar de ficar alleo ao que se está a cocer na web 2.0, xa que está a infrautilizar as súas potencialidades como ferramenta política. As mesmas que as forzas políticas sistémicas, PSOE e PP, si están a usar en maior ou menor medida e con diferentes níveis de éxito.

A internet é a multicopista do século XXI, coa vantaxe engadida da interactividade, entre outras.

chúzame

Pois iso, que grazas á plataforma World TV, decidín crear a miña propia canle de TV por internet.

ContraDiscurso Televisión nace coa pretensión de complementar con documentos audiovisuais que son do meu interese os contidos deste blogue.

A canle, que ten certas funcionalidades da televisión á carta (pódese ir zapeando sobre os vídeos que estean na grella), servirá como un novo soporte para o contradiscurso facendo visíbel e compartindo contidos que polo seu carácter crítico e antisístemico distan moito do que ofrecen os medios oficiais.

Documentais sobre Venezuela, vídeos do Ché, sobre Salvador Allende, intervencións de Anxo Quintana, curtametraxes... Hai e haberá de todo un pouco.

Tamén, de forma ocasional incluirei videomensaxes propias, convertendo por uns minutos a canle no meu particular videoblogue. Veremos en que queda esa pretensión.

ContraDiscurso TV está aberta ás vosas propostas. Se hai algún vídeo que pensades que sería interesante incorporar, tan só tedes que propolo por correo electrónico a tv@contradiscurso.net

Así mesmo tedes a posibilidade de embebela no voso propio sitio web.

Agardo que este novo proxecto sexa do voso agrado.

chúzame

O videoblogue de Anxo Quintana ofrecenos desta volta un divertido vídeo no que falan seareiras e seareiros do Deportivo.

A pregunta que fai de leitmotiv é a de se o actual Portavoz Nacional do BNG (e Vicepresidente da Xunta), que polo momento o único pre-candidato que optará a ser candidato do BNG nos vindeiros comicios autonómicos, podería ser Presidente do Goberno Galego.

A resposta que máis me gostou foi a de "Elo... porque non?"

Efectivamente, se algo deixaron claro estos tres anos de goberno bipartito, é que as cousas terían sido ben distintas se a Xunta estivese presidida por un nacionalista.

chúzame

Como sabedes o videoblogue do portavoz nacional do BNG, e Vicepresidente do Governo Galego, Anxo Quintana, xa foi lanzado trala súa apresentación pública.

Antes entrar en materia, teño que destacar o excepcional traballo feito pola xente de A Navalla Suíza no desenvolvemento de Quin TV, un equipo de profisionais conformado polo mellor da Rede galega (Berto, Xabier Cid, María Yañez...). O formato é moi actual e atractivo, e un intúe que detrás dese aspecto tan funcional e sinxelo de navegar hai traballo arreo.

As múltiples funcionalidades da Quin TV (compartir vídeos, descarga directa, comentarios, avatar personalizábel para usuarias/os, e vídeo en HD...) deixan claro que o continente é do mellorciño.

A respecto dos contidos, pese a que coido que teñen unha clara vocación de "culto á persoa" da que non gosto en absoluto, hai algún vídeo interesante. A posibilidade de participar a través de comentarios é un aspecto para min moi positivo. Agardemos que non agromen os trolls que pululan pola rede galega...

Non podo calar, e teño que dicer que o aspecto que máis me desgusta é a falta de oportunidade temporal no lanzamento desta plataforma multimedia.

Cando ficamos ás portas dun proceso asemblear que terá que escoller a/o vindeira/o candidata/o do BNG á Presidencia da Xunta de Galiza, e cando algúns sectores ameazan con boicotar a Asemblea Nacional Extraordinaria parapetados na máis cutre demagoxia, non é de recibo apresentar un meio que ten unha clara vocación electoral con tanta anterioridade.

Ás veces ser escrupulosos neste tipo de cousas non está de máis.

chúzame

Hoxe recoméndovos a lectura de tres artigos:

Dunha banda, Manuel Mera publica na web da CIG un artigo seu publicado en La Región, no que baixo o título "A guerra pra manter hexemonías", fai unha análise moi acaída arredor do conflicto militar e xeoestratéxico encol da rexión de Osetia.

Unha das miñas teimas habituais é a de insistir nas potencialidades que ofrece a web 2.0 como un meio útil para o traballo político e social.

Nesa liña Altamiro Borges, xornalista e membro do Comité Central do Partido Comunista do Brasil, analisa tamén na web da CIG o impacto positivo que tivo para o candidato demócrata á presidencia dos EUA, Barack Obama, a utilización da rede, nun artigo titulado "Barack Obama e o poder de internet".

Para rematar, na recén resucitada Rede Voltaire, na súa edición en español atopei un interesante texto de Gabriel García Marquez, que titulado "O Fidel Castro que eu coñezo", debuxa un perfil moi interensante do lider da revolución cubana.

chúzame

Co gallo do Festigal, apresentabase o servizo de microbloguexo galego: Lareta.net. Unha rede que ben a ser algo semellante ao twitter e que funciona sobre unha aplicación de software libre.

Como non podía ser doutro xeito, eu xa me engadín en Lareta. Aquí podes ver as miñas entradas.

A idea de só poder escribir entradas cunha extensión máxima de 140 caracteres, é para min todo un repto, apasionante.

A ver que sae.

E ti, porque non laretas?

chúzame