"A patria constrúese día a día, esforzo a esforzo" dí nunha das súas más combativas composicións o poeta e patriota Manuel María.

Recollendo esa idea, como unha peza máis do legado das xentes que ao longo do tempo co seu contributo sacrificado axudaron a construir a nosa historia como povo, relanzo o meu blog, a miña bitácora, o meu grao de area en forma de textos, artigos e columnas, co afán de sumar así o meu "esforzo" por construir un verdadeiro contra-discurso colectivo como povo que supere os limites negadores do pensamento único uniformador, sectario e antidemocrático. Pero que tamén axude, con humildade, a visibilizar que Galiza ten pensamento de seu.

Nunha nación culturalmente asoballada e oprimida baixo un falsamente sutil xugo colonial é imprescindíbel criar espazos de reflexión, de debate, de opinión. A rede de redes, xoga nesta cuestión, un papel chave que todas e todos debemos saber aproveitar.

Abro unha nova etapa do meu blog após superar as 4000 visitas na anterior edición. Era o momento de darlle un novo pulo, de refrescar o proxecto, de airear as ideas e dotalas dun novo envase dixital. Agrupados baixo o tema "Artigos Anteriores" atoparás todos os artigos que ficaba colgados no anterior blog. Na páxina "Sobre min" terás a información precisa para coñecerme un pouco máis.

Desde hoxe CONTRADISCURSO estrea novo enderezo e aloxamento, agora sí própriamente galego, así como un novo deseño visualmente máis cómodo, máis accesíbel, mellor estructurado, cun formato atractivo e moderno... todo para darlle todavía máis forza a cada palabra.

Porque a patria constrúese tamén palabra a palabra, nestas páxinas atoparás as miñas.

Agardo contar coas túas en forma de comentarios.

Unha aperta.

Xabier Pérez Igrexas.

chúzame

This entry was posted on luns, agosto 28th, 2006 at 3:07 pm and is filed under Sobre o blogue. You can follow any responses to this entry through the RSS 2.0 feed. Both comments and pings are currently closed.